நாமக்கல்: சேந்தமங்கலம் சட்டப்பேரவைத் தொகுதி திமுக எம்எல்ஏ கு.பொன்னுசாமி (74) உடல்நலக் குறைவால் நேற்று காலமானார். நாமக்கல் மாவட்டம் சேந்தமங்கலம் தொகுதி திமுக எம்எல்ஏ கு.பொன்னுசாமி, உடல்நலக்குறைவு காரணமாக நேற்று காலை நாமக்கல் தனியார் மருத்துவமனையில் அனுமதிக்கப்பட்டார். அங்கு அவர் சிகிச்சை பலனின்றி உயிரிழந்தார். மாரடைப்பால் அவர் உயிரிழந்ததாக மருத்துவமனை நிர்வாகம் தெரிவித்துள்ளது. அவருக்கு மனைவி ஜெயமணி, மகன் மாதேஸ், மகள் பூமலர் ஆகியோர் உள்ளனர்.
கொல்லிமலை இலக்கிராய்ப்பட்டியைச் சேர்ந்த பொன்னுசாமி, 9-ம் வகுப்பு வரை படித்துள்ளார். 2006 சட்டப்பேரவைத் தேர்தலில் சேந்தமங்கலம் தொகுதியில் வென்ற பொன்னுசாமி, 2011, 2016-ம் ஆண்டுகளில் நடைபெற்ற சட்டப்பேரவைத் தேர்தலில் திமுக சார்பில் போட்டியிட்டு வெற்றிவாய்ப்பை இழந்தார். மீண்டும் 2021 தேர்தலில் போட்டியிட்டு எம்எல்ஏ ஆனார்.
Click the link above to read the full article on the original website.
