சிறப்பு தீவிர வாக்காளர் பட்டியல் திருத்த பணியை மாவட்ட பொறுப்பாளர்கள் விழிப்புடன் இருந்து கண்காணிக்க வேண்டும் என்று அதிமுக பொதுச்செயலாளர் பழனிசாமி அறிவுறுத்தியுள்ளார்.
தமிழகம் முழுவதும் வாக்குச்சாவடி முகவர்கள், தொடர்புடைய வாக்குச்சாவடிகளில், சரியான வாக்காளர் தான் வாக்களிக்கிறாரா என்பதை உறுதி செய்யும் பணி மட்டும் வழங்கப்படும். ஆனால் அதிமுக சார்பில், கூடுதலாக ஒவ்வொரு வாக்குச்சாவடியிலும் பாக கிளை உறுப்பினர்களாக தலா 9 பேர் நியமிக்கப்பட்டுள்ளனர். ஒவ்வொரு பாக கிளையிலும் 3 பெண்கள், தகவல் தொழில்நுட்ப அணி, மாணவரணி, வழக்கறிஞர் அணி உள்ளிட்ட அணிகளை சேர்ந்தவர்கள் இடம்பெற்றுள்ளனர்.
தமிழகத்தில் 2026 தேர்தலுக்காக அதிமுக சார்பில் ஏராளமான பிரச்சார முன்னெடுப்புகள் தொடங்கப்பட உள்ளன. அவற்றை வீடு வீடாக கொண்டு சேர்க்கும் பணி, பாக கிளை முகவர்களுக்கு கொடுக்கப்பட்டுள்ளது. பாக கிளை முகவர்களை ஒருங்கிணைக்கும் பணியை அதிமுகவின் தகவல் தொழில்நுட்ப அணி மேற்கொள்கிறது. அதிமுகவின் தேர்தல் பிரச்சார வியூகங்களை எந்த வடிவத்தில் எப்படி வீடு வீடாக கொண்டு சேர்ப்பது என்கிற பயிற்சியை தகவல் தொழில்நுட்ப அணியை சேர்ந்தவர்கள் பாக கிளை முகவர்களுக்கு வழங்க உள்ளனர்.
Click the link above to read the full article on the original website.
