Chief Minister Vijay opposes introducing an entrance exam for veterinary medicine courses

Chennai: Kaalnadai maruthuvap padippu maanavar serkkaiyai nuzhaivu thervin adippadaiyil nadaththaamal, melnilai palli thervu madhippenkal adippadaiyileye nadaththa vendum en valiyuruthi pirathamar Modikku, mudhalvar Vijay kaditham ezhuthiyullaar.

Andha kadithathin vivaram: Kaalnadai maruthuva ariviyal matrum kaalnadai paramarippu (BVSc & AH) pattappadippu maanavar serkkai thodarbaana miga mukkiyamaana porunmaiyai ungal kavanaththukku konduvaravum virumbugiren.

Indhiya kaalnadai maruthuva counsil sattam, 1984-n vidimuraigalinpadi, anaiththu kaalnadai maruthuva kalleoorigalilum kaalnadai maruthuva ariviyal matrum kaalnadai paramaarippu pattappadippirkana maanavar serkkaianaadu, pothu nuzhaivu thervin (Common Entrance Examination) adippadaiyil maiyappaduththappatta kalanthayvu murai (Centralized Counselling Process) moolam idangalai othukkeedu seiya vendum en Indhiya kaalnadai maruthuva counsil parinthuraiththullathu.

Adharku maatru aerpaadaaga, maepadi 2026-27 kalviyaandu mudhal thaniyaaga nuzhaivu thaervu nadatha mudiyaadha padchathil, NEET (NEET UG-2026) thaervin thara varisai pattiyalin adippadaiyil maanavar saerkkai nadaiperavendum ena Indiya kaalnadai maruthuva council, maavattangalukku arivuruthiyiruppadhu enadhu gavanathirkku konduvarappattulladhu.

Maelum, indha munmozhiivu, Tamilagaththukku palveru kadumaiyaana paadhippugalai aerpaduththum. Kaalnadai maruthuva kalviyaanadhu Tamilagaththin valarchchikkaana munnurimaigalil oru thaniththuvamaana idaththai petrulladhu.

Kaalnadai maruthuvak kalvi enbathu verum tholilsaar padippu mattumalla, maaraga, maanilathin kaalnadai paramaarippai valuppaduthuvatharkum, kaalnadaigalin aarokkiyathai melpaduthuvatharkum, paalvala melpaduththinai valuppaduthuvatharkum, latchakkanakkana kiraamappurak kudumbangalin vaazhvaathaarathai paadhukaappatharkumana namathu muyarchigalin adithalamaagum.

Indru kaalnadai maruthuvak kalviyil serkkai perum maanavargale, varum aandugalil namathu vivasaayigalukkum, kiraamangal matrum kaalnadai-p paramaaripputh thuraikkum sevai seiyum kaalnadai maruthuvargalaagavum uruvedukkiraargal.

Tamilagam, melnilaiப் pallith thervil maanavargal perum madhippenkalin adippadaiyileye thozhirkalvip padippugalukkaana serkkai muraiyai pala thasabdhangalaaga pinpatri varugiradhu. Indha muraiyaanadhu (Model), thiramaiyaana thozhilmurai vallunargalai thodarndhu uruvaakkuvadhodu mattumallaamal, graamappurangal, arasup palligal, porulaadhaarathil pinthangiya pirivinar matrum samoogareethiyaaga pinthangiya samoogangalaiச் serndha thagudhiyaana maanavargalukku, uyarkalviyai peruvadharkaana nyaayamaana vaaippai urudhiseydhulladhu.

Itthervu murai, samuga needhi, praanthiya samathuvam matrum anaivaraiyum ulladakkiya valarchchikkaana oru payanulla karuviyaagaச் seyalpatthulladhu.

2007-2008 aam kalviyaandu mudhal, தமிழக arasu, thozhirkalvip padippugalukkaana podhu nuzhaivuth theervai rathu seithullathu endrum, kurippaaga graamappura matrum pinthangiya pinnaniyai konda pala thiramaiyaana maanavargalukku nuzhaivu nilaiyil perum thadaigalai NEET (NEET) உள்ளிட்ட orunginaindha nuzhaivuth theervugal aerpaduththugindrana enbathai maanila arasu thodarndhu valiyuruththi varugirathu.

Desiya Thervugal Mugamai (NTA), NEET thervugalai nadathuvathil palveru sikkalgalai santhithu varuvathaiyum, anmaiyil sila muraiyedugal kaaranamaaga, thervai rathu seithuvittu, maruthervu nadatha vendiya kattayathirku mepadip mugamai aalaan nilaiyil, 2024-aam aandil vinaathaal kasinthathaaga koorappatta kutrachaattugal mathiya pulanaivu thuraiyin visaaranaikkum vazhivaguthana enbathaiyum karuthilkondu, kaalnadai maruthuvap padippugalukkaana serkaikku NEET thervai arimugappaduthuvathu poruthamaanathaaga irukkaathu.

Pallip padippin moolam velippadum thagudhiyaai prathipalippatharkup pathilaaga, sirappup payittrikkaana vaaippugal, nidhi aathaarangal matrum palamurai thervu ezhuthuvatharkaana vaaippugal aagiyavatrin adippadaiyileye ithupondra nuzhaivu thervugalil perappadum vettri theermaanikkappadugirathu endra ennathai sameebaththiya aandugalin anubavangal melum uruthippaduththiyullana.

Iththagaiya nadaimuraiyai kaalnadai maruthuva kalvich serkkaikkum virivupaduththuvathu enbathu, athaip pondra paathippugalaiye yerpaduththum.

Melum, kaalnadai maruthuvak kalviyaanathu ovvoru maanilaththin velaan matrum graamappurap porulaathaaraththudan iyalbaaga pinnaikkappattullathu. Kaalnadai maruthuva vallunargalukkaana thevai, iththuraiyil serum maanavargalin pinpulam matrum kaalnadaith thuraiyin valarchchikkaana munnurimaigal aagiyavai naadu muzhuvathum, maanilaththirku maanilam kanisamaaga maarupadugindrana.

Indhach choolalil, kaalnadai maruthuva ariviyal matrum kaalnadai paramarippu pattappadippirkkaana maanavar serkkai alavukolkalai theermaanikkum urimaiyai anthantha maanila arasugalidame vittuvituvathuthaan sariyaanathaaga irukkum. Iththagaiya anugumuraiye, namathu koottatchi amaippai mathippathaaga amaivathodu, kalvith tharatthai thodarndhu uyarththavum, thaguthiyaana kaalnadai maruthuvargal uruvaavathai uruthiseiyyavum uthavum.

Adhevelaiyil, maanilangal thangaladhu samuga - porulaadhaara nilaihalukkum kalvi amaippugalukkum erpudaiya maanavar serkkaik kolgaigalai uruvaakkik kollavum idhu vazhivakkum. Enave, ipporunmai kurithu Piradhamar thanippatta muraiyil thalaiyida vendum. Indhiya kaalnadai maruthuva Council thanadhu mudivai marupariselana seiya arivuruththa vendum.

Melnilai palli thervu madhippenngalin adippadaiyil kaalnadai maruthuva ariviyal matrum kaalnadai paramarippu pattappadippirkana serkkaiyai thodaravoo alladhu maanavar serkkai alavukolgalai andhandha maanila arasugale theermaanikkavoo anumathikka vendum.

Melum, ikkorkkaiyai kanivudan pariseliththu, kaalnadai maruthuvak kalviyai anaivarum samamaaga peruvadhai urudhi seiya vendum.

Graamappura matrum samooga reethiyaaga pinthangiya pinnaniyai konda maanavargalukkaana vaaippugalai paadhukaakka vendum. Namadhu koottatchi amaippirkul maavattangalin thangalukkaana sattappoorva kolgai mudivugalai edukkum nilaiyai urudhi seiya vendum endru அந்தக் kadithathil therivikkappattulladhu.

சென்னை: கால்நடை மருத்துவப் படிப்பு மாணவர் சேர்க்கையை நுழைவுத் தேர்வின் அடிப்படையில் நடத்தாமல், மேல்நிலைப் பள்ளி தேர்வு மதிப்பெண்கள் அடிப்படையிலேயே நடத்த வேண்டும் என வலியுறுத்தி பிரதமர் மோடிக்கு, முதல்வர் விஜய் கடிதம் எழுதியுள்ளார்.

அந்தக் கடிதத்தின் விவரம்: கால்நடை மருத்துவ அறிவியல் மற்றும் கால்நடை பராமரிப்பு (BVSc & AH) பட்டப்படிப்பு மாணவர் சேர்க்கை தொடர்பான மிக முக்கியமான பொருண்மையை உங்கள் கவனத்துக்கு கொண்டுவர விரும்புகிறேன்.

இந்திய கால்நடை மருத்துவ கவுன்சில் சட்டம், 1984-ன் விதிமுறைகளின்படி, அனைத்து கால்நடை மருத்துவக் கல்லூரிகளிலும் கால்நடை மருத்துவ அறிவியல் மற்றும் கால்நடை பராமரிப்பு பட்டப்படிப்பிற்கான மாணவர் சேர்க்கையானது, பொது நுழைவுத் தேர்வின் (Common Entrance Examination) அடிப்படையில் மையப்படுத்தப்பட்ட கலந்தாய்வு முறை (Centralized Counselling Process) மூலம் இடங்களை ஒதுக்கீடு செய்ய வேண்டும் என இந்திய கால்நடை மருத்துவ கவுன்சில் பரிந்துரைத்துள்ளது.

அதற்கு மாற்று ஏற்பாடாக, மேற்படி 2026-27 கல்வியாண்டு முதல் தனியாக நுழைவுத் தேர்வு நடத்த முடியாத பட்சத்தில், நீட் (NEET UG-2026) தேர்வின் தரவரிசைப் பட்டியலின் அடிப்படையில் மாணவர் சேர்க்கை நடைபெறவேண்டும் என இந்திய கால்நடை மருத்துவ கவுன்சில், மாநிலங்களுக்கு அறிவுறுத்தியிருப்பது எனது கவனத்திற்குக் கொண்டுவரப்பட்டுள்ளது.

மேலும், இந்த முன்மொழிவு, தமிழகத்துக்கு பல்வேறு கடுமையான பாதிப்புகளை ஏற்படுத்தும். கால்நடை மருத்துவக் கல்வியானது தமிழகத்தின் வளர்ச்சிக்கான முன்னுரிமைகளில் ஒரு தனித்துவமான இடத்தைப் பெற்றுள்ளது.

கால்நடை மருத்துவக் கல்வி என்பது வெறும் தொழில்சார் படிப்பு மட்டுமல்ல, மாறாக, மாநிலத்தின் கால்நடை பராமரிப்பை வலுப்படுத்துவதற்கும், கால்நடைகளின் ஆரோக்கியத்தை மேம்படுத்துவதற்கும், பால்வள மேம்பாட்டினை வலுப்படுத்துவதற்கும், லட்சக்கணக்கான கிராமப்புறக் குடும்பங்களின் வாழ்வாதாரத்தைப் பாதுகாப்பதற்குமான நமது முயற்சிகளின் அடித்தளமாகும்.

இன்று கால்நடை மருத்துவக் கல்வியில் சேர்க்கை பெறும் மாணவர்களே, வரும் ஆண்டுகளில் நமது விவசாயிகளுக்கும், கிராமங்கள் மற்றும் கால்நடைப் பராமரிப்புத் துறைக்கும் சேவை செய்யும் கால்நடை மருத்துவர்களாகவும் உருவெடுக்கிறார்கள்.

தமிழகம், மேல்நிலைப் பள்ளித் தேர்வில் மாணவர்கள் பெறும் மதிப்பெண்களின் அடிப்படையிலேயே தொழிற்கல்விப் படிப்புகளுக்கான சேர்க்கை முறையை பல தசாப்தங்களாக பின்பற்றி வருகிறது. இந்த முறையானது (Model), திறமையான தொழில்முறை வல்லுநர்களைத் தொடர்ந்து உருவாக்குவதோடு மட்டுமல்லாமல், கிராமப்புறங்கள், அரசுப் பள்ளிகள், பொருளாதாரத்தில் பின்தங்கிய பிரிவினர் மற்றும் சமூகரீதியாகப் பின்தங்கிய சமூகங்களைச் சேர்ந்த தகுதியான மாணவர்களுக்கு, உயர்கல்வியைப் பெறுவதற்கான நியாயமான வாய்ப்பை உறுதிசெய்துள்ளது.

இத்தேர்வு முறை, சமூக நீதி, பிராந்திய சமத்துவம் மற்றும் அனைவரையும் உள்ளடக்கிய வளர்ச்சிக்கான ஒரு பயனுள்ள கருவியாகச் செயல்பட்டுள்ளது.

2007-2008 ஆம் கல்வியாண்டு முதல், தமிழக அரசு, தொழிற்கல்விப் படிப்புகளுக்கான பொது நுழைவுத் தேர்வை ரத்து செய்துள்ளது என்றும், குறிப்பாக கிராமப்புற மற்றும் பின்தங்கிய பின்னணியைக் கொண்ட பல திறமையான மாணவர்களுக்கு நுழைவு நிலையில் பெரும் தடைகளை நீட் (NEET) உள்ளிட்ட ஒருங்கிணைந்த நுழைவுத் தேர்வுகள் ஏற்படுத்துகின்றன என்பதை மாநில அரசு தொடர்ந்து வலியுறுத்தி வருகிறது.

தேசியத் தேர்வுகள் முகமை (NTA), நீட் தேர்வுகளை நடத்துவதில் பல்வேறு சிக்கல்களைச் சந்தித்து வருவதையும், அண்மையில் சில முறைகேடுகள் காரணமாக, தேர்வை ரத்து செய்துவிட்டு, மறுதேர்வு நடத்த வேண்டிய கட்டாயத்திற்கு மேற்படி முகமை ஆளான நிலையில், 2024-ஆம் ஆண்டில் வினாத்தாள் கசிந்ததாகக் கூறப்பட்ட குற்றச்சாட்டுகள் மத்திய புலனாய்வுத் துறையின் விசாரணைக்கும் வழிவகுத்தன என்பதையும் கருத்தில்கொண்டு, கால்நடை மருத்துவப் படிப்புகளுக்கான சேர்க்கைக்கு நீட் தேர்வை அறிமுகப்படுத்துவது பொருத்தமானதாக இருக்காது.

பள்ளிப் படிப்பின் மூலம் வெளிப்படும் தகுதியை பிரதிபலிப்பதற்குப் பதிலாக, சிறப்புப் பயிற்சிக்கான வாய்ப்புகள், நிதி ஆதாரங்கள் மற்றும் பலமுறை தேர்வு எழுதுவதற்கான வாய்ப்புகள் ஆகியவற்றின் அடிப்படையிலேயே இதுபோன்ற நுழைவுத் தேர்வுகளில் பெறப்படும் வெற்றி தீர்மானிக்கப்படுகிறது என்ற எண்ணத்தை சமீபத்திய ஆண்டுகளின் அனுபவங்கள் மேலும் உறுதிப்படுத்தியுள்ளன.

இத்தகைய நடைமுறையைக் கால்நடை மருத்துவக் கல்விச் சேர்க்கைக்கும் விரிவுபடுத்துவது என்பது, அதைப் போன்ற பாதிப்புகளையே ஏற்படுத்தும்.

மேலும், கால்நடை மருத்துவக் கல்வியானது ஒவ்வொரு மாநிலத்தின் வேளாண் மற்றும் கிராமப்புறப் பொருளாதாரத்துடன் இயல்பாகப் பிணைக்கப்பட்டுள்ளது. கால்நடை மருத்துவ வல்லுநர்களுக்கான தேவை, இத்துறையில் சேரும் மாணவர்களின் பின்புலம் மற்றும் கால்நடைத் துறையின் வளர்ச்சிக்கான முன்னுரிமைகள் ஆகியவை நாடு முழுவதும், மாநிலத்திற்கு மாநிலம் கணிசமாக மாறுபடுகின்றன.

இந்தச் சூழலில், கால்நடை மருத்துவ அறிவியல் மற்றும் கால்நடை பராமரிப்பு பட்டப்படிப்பிற்கான மாணவர் சேர்க்கை அளவுகோல்களைத் தீர்மானிக்கும் உரிமையை அந்தந்த மாநில அரசுகளிடமே விட்டுவிடுவதுதான் சரியானதாக இருக்கும். இத்தகைய அணுகுமுறையே, நமது கூட்டாட்சி அமைப்பை மதிப்பதாக அமைவதோடு, கல்வித் தரத்தைத் தொடர்ந்து உயர்த்தவும், தகுதியான கால்நடை மருத்துவர்கள் உருவாவதை உறுதிசெய்யவும் உதவும்.

அதேவேளையில், மாநிலங்கள் தங்களது சமூக - பொருளாதார நிலைகளுக்கும் கல்வி அமைப்புகளுக்கும் ஏற்புடைய மாணவர் சேர்க்கைக் கொள்கைகளை உருவாக்கிக் கொள்ளவும் இது வழிவகுக்கும். எனவே, இப்பொருண்மை குறித்து பிரதமர் தனிப்பட்ட முறையில் தலையிட வேண்டும். இந்திய கால்நடை மருத்துவ கவுன்சில் தனது முடிவை மறுபரிசீலனை செய்ய அறிவுறுத்த வேண்டும்.

மேல்நிலைப் பள்ளித் தேர்வு மதிப்பெண்களின் அடிப்படையில் கால்நடை மருத்துவ அறிவியல் மற்றும் கால்நடை பராமரிப்பு பட்டப்படிப்பிற்கான சேர்க்கையைத் தொடரவோ அல்லது மாணவர் சேர்க்கை அளவுகோல்களை அந்தந்த மாநில அரசுகளே தீர்மானிக்கவோ அனுமதிக்க வேண்டும்.

மேலும், இக்கோரிக்கையைக் கனிவுடன் பரிசீலித்து, கால்நடை மருத்துவக் கல்வியை அனைவரும் சமமாகப் பெறுவதை உறுதி செய்ய வேண்டும்.

கிராமப்புற மற்றும் சமூக ரீதியாகப் பின்தங்கிய பின்னணியைக் கொண்ட மாணவர்களுக்கான வாய்ப்புகளைப் பாதுகாக்க வேண்டும். நமது கூட்டாட்சி அமைப்பிற்குள் மாநிலங்களின் தங்களுக்கான சட்டப்பூர்வ கொள்கை முடிவுகளை எடுக்கும் நிலையை உறுதி செய்ய வேண்டும் என்று அந்தக் கடிதத்தில் தெரிவிக்கப்பட்டுள்ளது.